ചാൾസ് റോബർട്ട് ഡാർവിൻ

ചാൾസ് റോബർട്ട് ഡാർവിൻ (1809-1882)

ചാൾസ് ഡാർവിൻ ആരായിരുന്നു?

ചാൾസ് ഡാർവിൻ, പ്രകൃതിശാസ്ത്രജ്ഞൻ എന്ന നിലയിൽ പ്രശസ്തനാണ്.

ജീവിവർഗ്ഗങ്ങളെല്ലാം പൂർവികന്മാരിൽ നിന്ന് കാലക്രമത്തിൽ 

പ്രകൃതിനിർദ്ധാരണം എന്ന പ്രക്രിയവഴി രൂപപ്പെട്ടു വന്നവയാണെന്ന് 

കണ്ടെത്തുകയും സ്ഥാപിക്കുകയും ചെയ്ത ഇംഗ്ലീഷ് 

പ്രകൃതിശാസ്ത്രജ്ഞനാണ് ചാൾസ് റോബർട്ട് ഡാർവിൻ. 1831 ൽ അദ്ദേഹം 

ബീഗിൾ എന്ന കപ്പലിലെ അഞ്ചുവർഷത്തെ യാത്ര ഭൗമശാസ്ത്രജ്ഞനെന്ന 

നിലയിലുള്ള ഡാർവിന്റെ പ്രാഗല്ഭ്യം തെളിയിച്ചു. യാത്രക്കിടെ 

എഴുതിയ കുറിപ്പുകളുടെ പ്രസിദ്ധീകരണം, ഡാർവിനെ 

ഒരെഴുത്തുകാരനെന്ന നിലയിൽ ജനസമ്മതനാക്കി. 1859-ൽ അദ്ദേഹം ഓൺ

ദി ഒറിജിൻ ഓഫ് സ്പീഷീസ് (ജീവി വർഗ്ഗങ്ങളുടെ ഉത്ഭവം) എന്ന 

പുസ്തകം പ്രസിദ്ധീകരിക്കുകയുണ്ടായി. ദ ഹൻഡ്രഡ് എന്ന പേരിൽ 

മൈക്കിൾ ഹാർട്ട് 1978ൽ പ്രസിദ്ധീകരിച്ച പുസ്തകത്തിൽ, ലോക

ചരിത്രത്തെ ഏറ്റവും കൂടുതൽ സ്വാധീനിച്ച നൂറു വ്യക്തികളുടെ

പട്ടികയിൽ 16ആം സ്ഥാനം ഡാർവിനാണ്.

പത്തൊൻപതാം നൂറ്റാണ്ടിലെ ശാസ്ത്രജ്ഞന്മാരിൽ ഔദ്യോഗിക ശവസംസ്കാരം 

നൽകി ബഹുമാനിക്കപ്പെട്ട അഞ്ചു പേരിൽ ഒരാളായിരുന്നു ഡാർവിൻ എന്നത് 

അദ്ദേഹത്തിന്റെ സംഭാവനകൾക്ക് ലഭിച്ച അംഗീകാരത്തിന് തെളിവാണ്. 

വെസ്റ്റ്മിൻസ്റ്റർ ആബിയിൽ ജോൺ ഹെർഷലിനും ഐസക് ന്യൂട്ടണും 

സമീപത്തായാണ് അദ്ദേഹത്തെ സംസ്കരിച്ചത്.

ചാൾസ് ഡാർവിൻ ജനിച്ചത് എവിടെ, എപ്പോൾ ?

1809 ഫെബ്രുവരി 12-ന് ഇംഗ്ലണ്ടിലെ ഷ്രൂസ്കറിയിലെ ഒരു ചെറിയ പട്ടണത്തിൽ ആയിരുന്നു ഡാർവിൻ ജനിച്ചത്.

കുടുംബം

ആറ് കുട്ടികളിൽ അഞ്ചാമനായിരുന്നു ഡാർവിൻ. അദ്ദേഹത്തിൻറെ പിതാവ്

ഡോ. ആർ. ഡബ്ല്യൂ ഡാർവിൻ വൈദ്യശാസ്ത്രത്തിലെ ഡോക്ടറും, 

അദ്ദേഹത്തിൻറെ  മുത്തച്ഛൻ ഡോ. ഇറാസ്മസ് ഡാർവിൻ, ഒരു പ്രശസ്ത 

സസ്യശാസ്ത്രജ്ഞനുമായിരുന്നു. ഡാർവിന്റെ അമ്മ സുസൂന്ന അദ്ദേഹത്തിനു 

എട്ട് വയസ്സ് മാത്രം പ്രായമുള്ളപ്പോൾ മരിച്ചു.

ഡാർവിൻ വധുവായി തെരഞ്ഞെടുത്തത്, കസിൻ, എമ്മ വെഡ്‌ജ്‌വുഡിനെയാണ്.

വിദ്യാഭ്യാസം

മകൻ പഠനത്തിൽ മോശമാവുന്നതിൽ ഉത്‍കണ്ഠാകുലനായ ഡാർവിന്റെ

പിതാവ് 1825 ഒക്ടോബറിൽ, 16-ആമത്തെ വയസ്സിൽ ഡാർവിൻ തന്റെ 

സഹോദരൻ ഇറാസ്മസിനൊപ്പം എഡിൻബറോ സർവകലാശാലയിൽ 

ചേർത്തു. എന്നാൽ പഠനത്തേക്കാൾ ഡാർവിൻ താല്പര്യം കാട്ടിയത് 

കുതിരസവാരിയിലും വെടിവെപ്പിലും ആയിരുന്നു. രണ്ടുവർഷം കഴിഞ്ഞ് 

അദ്ദേഹം കേംബ്രിഡ്ജിലെ ക്രൈസ്റ്റ് കോളേജിൽ പഠിച്ചു. 

പ്രകൃതിചരിത്രത്തെക്കുറിച്ച് അദ്ദേഹം കൂടുതലായി പഠിച്ചു. ഡാർവിൻ Christ's 

കോളേജിലായിരുന്നപ്പോൾ, ബോട്ടണി പ്രൊഫസ്സർ ജോൺ സ്റ്റീവൻസ് 

ഹെൻസ്ലോ ആയിരുന്നു തൻറെ ഉപദേഷ്ടാവ്. 1831 ൽ ഡാർവിൻ Christ's 

കോളേജിൽ നിന്നും ബിരുദം കരസ്ഥമാക്കി.

1851-ൽ നടന്ന, മകൾ ആനിയുടെ മരണം, ക്രിസ്തുമതത്തിലുള്ള ഡാർവിന്റെ നേരത്തേതന്നെ ബലഹീനമായിക്കൊണ്ടിരുന്ന വിശ്വാസത്തെ തീർത്തും ഇല്ലാതാക്കി

ബീഗിൾ യാത്ര

MS Beagle എന്ന കപ്പലിൽ ഒരു പ്രകൃതിശാസ്ത്രജ്ഞൻ എന്ന നിലയിൽ ഹെൻസ്ലോ

അദ്ദേഹത്തെ ശുപാർശ ചെയ്തു. ക്യാപ്റ്റൻ റോബർട്ട് ഫിറ്റ്സ്റോയിയുടെ 

നേതൃത്വത്തിലുള്ള കപ്പൽ ലോകമെമ്പാടുമുള്ള അഞ്ചു വർഷത്തെ സർവേയിൽ 

പങ്കെടുക്കുകയായിരുന്നു. 1831 ഡിസംബർ 27 ന്, എച്ച്.എം.എസ്. ബീഗിൾ എന്ന കപ്പൽ 

ഡാർവിനൊപ്പം ലോകം മുഴുവൻ യാത്ര ചെയ്തു. ഈ യാത്രയിൽ, പക്ഷികൾ, 

സസ്യങ്ങൾ, ഫോസിലുകൾ തുടങ്ങിയ പ്രകൃതിദത്തമായ  മാതൃകകൾ ശേഖരിച്ചു. 

ചാൾസ് ഡാർവിന്റെ 1859-ലെ പതിപ്പിന്റെ തലക്കെട്ട്, ഓൺ ദി ഒറിജിൻ ഓഫ് സ്പീഷീസ്.

ഗവേഷണ പരീക്ഷണങ്ങളിലൂടെ, സസ്യശാസ്ത്രം, ഭൂഗർഭശാസ്ത്രം, സുവോളജി 

എന്നിവയുടെ അടിസ്ഥാനതത്വങ്ങൾ സൂക്ഷ്മമായി നിരീക്ഷിക്കാനുള്ള സവിശേഷമായ 

അവസരം അദ്ദേഹത്തിന് ലഭിച്ചു. 1836-ൽ ഇംഗ്ലണ്ടിൽ മടങ്ങിയെത്തിയ ഡാർവിൻ, 

Journal of Researches എന്ന പുസ്തകത്തിൽ തൻ്റെ  കണ്ടെത്തലുകൾ എഴുതാൻ തുടങ്ങി, 

ക്യാപ്റ്റൻ ഫിറ്റ്സ്റോയിയുടെ വിപുലമായ വിവരണത്തിന്റെ ഭാഗമായി 

പ്രസിദ്ധീകരിക്കപ്പെട്ടു. പിന്നീട് അത് Zoology of the Voyage of the Beagle എന്നാക്കി മാറ്റി. 

പ്രകൃതിചരിത്രത്തെക്കുറിച്ചുള്ള ഡാർവിന്റെ കാഴ്ചപ്പാടിൽ ഈ യാത്രക്ക് വലിയ 

പ്രാധാന്യമുണ്ടായിരുന്നു. അക്കാലത്ത് മറ്റു പ്രകൃതിദത്ത വാദികളുടെ ജനകീയ 

വീക്ഷണത്തിനു വിരുദ്ധമായ ജീവികളുടെ ഉത്ഭവത്തെക്കുറിച്ച് അദ്ദേഹം ഒരു വിപ്ലവ 

സിദ്ധാന്തം വികസിപ്പിക്കാൻ തുടങ്ങി.

1837 ജൂലൈ മദ്ധ്യത്തിൽ ഡാർവിൻ, "ബി" എന്ന് പേരിട്ട നോട്ടുപുസ്തകത്തിൽ "വംശപരിവർത്തനത്തെക്കുറിച്ചുള്ള" ആദ്യത്തെ കുറിപ്പുകൾ എഴുതാൻ തുടങ്ങി. അതിന്റെ മുപ്പത്തിയാറാമത്തെ പുറത്ത് വരച്ചുചേർത്ത "പരിണാമവൃക്ഷത്തിന്റെ" ചിത്രത്തിനു മുകളിൽ, "ഇതാണ് എന്റെ തോന്നൽ" എന്ന് അദ്ദേഹം എഴുതിച്ചേർത്തു.

മരണം

ഒരു ജീവിത കാലം മുഴുവൻ നടത്തിയ ഗവേഷണങ്ങൾക്ക് ശേഷം, ചാൾസ് ഡാർവിൻ 

1882 ഏപ്രിൽ 19-ന് ലണ്ടനി ൽ താമസിച്ചിരുന്ന ഡൗൺ ഹൗസിൽ വെച്ച് അന്തരിച്ചു. 

വെസ്റ്റ്മിൻസ്റ്റർ എബിയിൽ ജോൺ ഹെർഷലിനും ഐസക് ന്യൂട്ടണും സമീപത്തായി 

അദ്ദേഹത്തെ സംസ്കരിച്ചു.

ചാൾസ് ഡാർവിൻറെ ഒപ്പ്